एजेन्सी । साबिकको बिजेता पेरिस सेन्ट जर्मेन (पिएसजी) ले फ्रेन्च लिग लिग वानमा विजयी सुरुवात गरेको छ । आइतबार राति भएको खेलमा काइनलाई ३ - ० गोल अन्तरले हराएर पिएसजीले विजयी सुरुवात गरेको हो ।
घरेलु मैदानमा भएको खेलमा पिएसजीलाई जित दिलाउन नेयमार, एड्रिन राबोइट र टिमोथे वेहले समान एक एक गोल गरे ।
पार्क डी प्रिन्सेसमा खेलको दशौं मिनेटमा नेयमारले गोल गर्दै पिएसजीलाई सुरुवाती अग्रता दिलाएका थिए । ३५ औं मिनेटमा राबोइटले गोल गर्दै पिएसजीको अग्रता २ - ० को बनाए । त्यसपछि खेलको ८९ औं मिनेटमा वेहले गोल गर्दै पिएसजीलाई ३ - ० को सहज जित दिलाए ।
काइनबाट मैदान उत्रदै किपर जियानलुइगी बुफोनले लिग वानमा डेब्यु गरेका छन् । इटालियन सिरी ए क्लब युभेन्ट्सबाट यसै सिजन क्लब आएका बुफोनले केहि उत्कृष्ट बचाऊ गरेका थिए ।
जितसंगै पिएसजीले ३ अंक जोड्दै सिजनको सुखद सुरुवात गरेको छ ।
फ्रेन्च लिग अन्तर्गत नै मोनाको, मार्सेली र लियोनले पनि विजयी सुरुवात गरेका छन् ।
-1734879364.jpg)
-1734875597.jpg)
