एजेन्सी । साबिकको बिजेता म्यानचेस्टर सिटीले इन्ग्लिश प्रिमियर लिग फुटबलमा विजयी सुरुवात गरेको छ । आइतबार राति भएको खेलमा आर्सनललाई २ - ० गोल अन्तरले हराउदै सिटीले विजयी सुरुवात गरेको हो ।
सिटीले आर्सनललाई उसैको मैदानमा हराएर शानदार जित निकालेको हो । सिटीको जितमा रहिम स्ट्रलिङ र बर्नान्डो सिल्भाले एक एक गोल गरे ।
इमिरेट्स स्टेडियममा पहिलो हाफको १४ औं मिनेटमा स्ट्रलिङले गोल गर्दै सिटीलाई सुरुवाती अग्रता दिलाए । दोस्रो हाफको ६४ औं मिनेटमा सिल्भाले गोल गर्दै सिटीलाई २ - ० को सहज जित दिलाए ।
घरेलु टोली आर्सनलले सिटीविरुद्ध केहि गोलको अवसर बनाएपनि गोल गर्न सकेनन् । आर्सनलका पेरिक एम्रिक आबुमियाङले दोस्रो हाफमा गोल गरेपनि रेफ्रीले अफसाइट दिएको थियो ।
जितसंगै सिटीले सिजनको पहिलो खेलमा ३ अंक जोडेको छ । यता, आर्सनलले भने हारबाट सिजनको सुरुवात गरेको छ ।
-1734879364.jpg)
-1734875597.jpg)
