एजेन्सी । इन्ग्लिश प्रिमियर लिग फुटबलमा आज (आइतबार) तीन खेल हुँदैछ । शुक्रबार सुरु प्रिमियर लिग अन्तर्गत आइतबार पहिलो साताको अन्तिम ३ खेल हुन् लागेको हो ।
आइतबार हुने पहिलो खेलमा उपाधि दाबेदार लिभरपुलले वेष्ट ह्याम युनाइटेडसंग घरेलु मैदानमा खेल्दैछ । एनफिल्डमा हुने खेल नेपाली समय अनुसार ६:१५ मा सुरु हुनेछ ।
आज वेष्ट ह्यामलाई हराउदै लिभरपुल उपाधि यात्रा तय गर्न चाहन्छ । अहिलेसम्म लिभरपुलले प्रिमियर लिगको उपाधि जित्न सकेको छैन । नेपाली समय अनुसार ६:१५ मै साउथह्याम्पटन र बर्नलीले प्रतिस्पर्धा गर्नेछ ।
प्रिमियर लिग अन्तर्गत आज राति नै दुई ठुला क्लबले प्रतिस्पर्धा गर्दै छन् । नेपाली समय अनुसार पौने ९ मा हुने खेलमा आर्सनल र साबिकको बिजेता म्यानचेस्टर सिटी प्रतिस्पर्धा गर्दै छन् ।
आर्सनलको घरेलु मैदानमा हुने खेलमा दुवै टोली महत्वपूर्ण जित निकाल्ने लक्ष्यमा हुनेछन् । प्रिमियर लिग अन्तर्गत पहिलो साताको यो सर्वाधिक पर्खाइको खेल हो ।
आज घरेलु टोली आर्सनल सिटीलाई हराएर उपाधि दाबेदार टोलीको रुपमा आफुलाई प्रस्तुत गर्न चाहन्छ । यता, सिटी भने अघिल्लो सिजनको आफ्नो शाख जोगाउने लक्ष्यमा हुनेछ ।
-1734879364.jpg)
-1734875597.jpg)
