एजेन्सी । इन्ग्लिश प्रिमियर लिग फुटबलमा लण्डन क्लब चेल्सीले विजयी सुरुवात गरेको छ । शनिबार बेलुका भएको खेलमा हडर्सफिल्ड टाउनलाई ३ – ० ले हराएर चेल्सीले जितबाट नयाँ सिजनको सुरुवात गरेको हो ।
हडर्सफिल्डको घरेलु मैदानमा चेल्सीलाई जित दिलाउन निग्लो कान्टे, जोर्गिन्हो र पेड्रो रोड्रिगेजले एक एक गोल गरे । हडर्सफिल्डविरुद्ध चेल्सीले पहिलो हाफमा २ गोल गरेको थियो भने दोस्रो हाफमा एक गोल थपेको थियो ।
जोन स्मिथ स्टेडियममा खेलको ३४ औं मिनेटमा कान्टेले गोल गर्दै चेल्सीलाई सुरुवाती अग्रता दिलाए । खेलको ४५ औं मिनेटमा जोर्गिन्होले गोल गर्दै पहिलो हाफमा चेल्सीलाई २ - ० को अग्रता दिलाए । यसै सिजन चेल्सी आएका जोर्गिन्होको यो प्रिमियर लिगमा डेब्यु खेल र गोल हो । त्यसपछि खेलको ८० औं मिनेटमा पेड्रोले गोल गर्दै चेल्सीलाई ३ - ० को सहज जित दिलाए ।
जितसंगै माउरीजियो सारीको टोली चेल्सीले ३ अंक जोडेको छ । हडर्सफिल्डले भने हारबाट सिजनको सुरुवात गरेको हो ।
प्रिमियर लिग अन्तर्गत नै वाट्फोर्डले ब्राइटनलाई २ - ० ले हराएको छ । यस्तै दुई डेब्यु क्लबले हार बेहोरेको छ ।
यसै सिजन प्रिमियर लिग फर्किएको फुलहम क्रिष्टल प्यालेससंग २ - ० र कार्डिफ सिटी बोर्नेमाउथसंग २ - ० ले पराजित भयो ।
-1734879364.jpg)
-1734875597.jpg)
