एजेन्सी । टोटेनहमले इन्ग्लिश प्रिमियर लिग फुटबलमा विजयी सुरुवात गरेको छ ।
शनिबार भएको खेलमा न्युकासल युनाइटेडलाई २ - १ गोल अन्तरले हराएर टोटेनहमले जितबाट नयाँ सिजनको सुरुवात गरेको छ ।
न्युकासल युनाइटेडको मैदानमा टोटेनहमलाई जित दिलाउन जान भेर्टोनघेन र डेली अलीले समान एक एक गोल गरे । घरेलु टोलीका जोसेलुले एक गोल फर्काए ।
जेम्स पार्क मैदानमा भएको खेलमा तीनै गोल पहिलो हाफमा भएको थियो । खेलको आठौं मिनेटमा भेर्टोनघेनले गोल गर्दै टोटेनहमलाई सुरुवाती अग्रता दिलाए । खेलको ११ औं मिनेटमा न्युकासलका जोसेलुले गोल गर्दै खेल १ - १ को बराबरीमा ल्याए । तर, खेलको १८ औं मिनेटमा अलीले गोल गर्दै टोटेनहमलाई २ - १ को महत्वपूर्ण जित दिलाए ।
जितसंगै टोटेनहमले महत्वपूर्ण ३ अंक जोडेको छ । प्रिमियर लिगमा यसअघि म्यानचेस्टर युनाइटेडले विजयी सुरुवात गरिसकेको छ ।
-1734879364.jpg)
-1734875597.jpg)
