एजेन्सी । ब्राजिलियन लिजेण्ड पेलेले यो सिजन इन्ग्लिश प्रिमियर लिगको उपाधि लिभरपुलले जित्ने बताएका छन् । पेलेले सामाजिक संजाल ट्वीटरबाट यो सिजन लिभरपुलले प्रिमियर लिगको उपाधि जित्ने बताएका हुन् ।
लिभरपुलले अहिलेसम्म इन्ग्लिश प्रिमियर लिगको उपाधि जित्न सकेको छैन । तर, पेलेले लिभरपुलका ब्राजिलियन गोलकिपर एलिसन बेकर र रोबर्टो फिर्मिन्होलाई मेन्सन गर्दै यो बर्ष प्रिमियर लिग लिभरपुलको हुने बताए ।
पेलेले ट्वीट गरेका छन्, 'प्रिमियर लिग आज सुरु हुँदैछ । तपाईलाई कसले जित्छ जस्तो लाग्छ ? मेरो विचारमा यो बर्ष लिभरपुल, एलिसन र फिर्मिन्होको हुनेछ ।'
ब्राजिलियन गोलकिपर एलिसन यसै सिजन रोमाबाट लिभरपुल आएका हुन् । सन् २०१५ मा क्लब आएका फिर्मिन्होले भने यसै सिजन २०२३ सम्म क्लबमा रहने गरी सम्झौता नवीकरणमा हस्ताक्षर गरेका छन् ।
सन् १९९२ मा इंग्लिश प्रिमियर लिगको स्थापना हुनुअघि लिभरपुलले शीर्ष डिभिजनको उपाधि भने जितेको छ । लिभरपुलले सन् १९९० को सिजन फर्स्ट डिभिजन लिगको उपाधि जितेको थियो ।
-1734879364.jpg)
-1734875597.jpg)
