एजेन्सी । इन्ग्लिश प्रिमियर लिग फुटबलमा आज (शनिबार) ६ खेलहरु हुँदैछ । शुक्रबार राति सुरु भएको लिगको दोस्रो दिन शनिबार चेल्सी, टोटेनहम, एभर्टन लगायतका क्लबले प्रतिस्पर्धा गर्दै छन् ।
शनिबार हुने पहिलो खेलमा न्युकासल युनाइटेड र टोटेनहमले प्रतिस्पर्धा गर्दै छ । न्युकासलको मैदानमा हुने खेल नेपाली समयअनुसार बेलुका ५:१५ मा सुरु हुनेछ ।
यस्तै नेपाली समय अनुसार बेलुका ७:४५ बजे चार खेल हुनेछ । ७:४५ बजे हुने खेलमा चेल्सीले आफ्नो पहिलो खेलमा हडर्सफिल्ड टाउनसंग उसैको मैदानमा खेल्नेछ । यस्तै अन्य खेलमा बोर्नेमाउथ र कार्डिफ सिटी, फुलहम र क्रिष्टल प्यालेस तथा वाट्फोर्ड र ब्राइटनले प्रतिस्पर्धा गर्नेछन् ।
त्यस्तै नेपाली समय अनुसार राति ९:१५ मा एक खेल हुनेछ । जसमा प्रिमियर लिगको डेब्यु क्लब वुल्भ्सले घरेलु मैदानमा एभर्टनको सामना गर्नेछ ।
२० क्लबले प्रतिस्पर्धा गर्ने प्रिमियर लिगको उद्घाटन खेलमा म्यानचेस्टर युनाइटेडले विजयी सुरुवात गरिसकेको छ । युनाइटेडले लेष्टर सिटीलाई २ -१ ले हराएको थियो ।
-1734879364.jpg)
-1734875597.jpg)
