काठमाडौं । ललित स्मृति यू - १८ फुटबल च्याम्पियनसिप फुटबलमा आज दुई खेल हुदैछ । समुह डी अन्तर्गतको पहिलो खेलमा हिमालय शेर्पा क्लब र फ्रेन्ड्स क्लबबीच प्रतिस्पर्धा हुनेछ ।
सातदोबाटोस्थित एन्फा टेक्निकल सेन्टरमा हुने दिउँसो साढे १ बजे सूरु हुनेछ । पहिलो खेलमा फ्रेन्ड्ले सुदरपश्चिम १–० ले पराजित गरेको थियो । आजको खेलमा जित हात पार्दै ललितपुरे क्लब फ्रेन्ड्स अघिल्लो चरण प्रवेशको सम्भावना बलियो बनाउन चाहन्छ ।
अर्को खेलमा रुस्लान थ्रीस्टार क्लब र सुदुरपश्चिम फुटबल क्लबबीच प्रतिस्पर्धा हुनेछ । पहिलो खेलमा हात ब्यहोरेको सुदुरपश्चिमलाई अघिल्लो चरण प्रवेशको सम्भावना राख्न आजको खेलमा जित महत्वपुर्ण छ ।
प्रतियोगिताको पहिलो खेलमा मनाङलाई स्तब्ध बनाएको थ्रीस्टार सहज जित निकाल्दै क्वार्टरफाईनलको यात्रा अघि बढाउन चाहन्छ ।
फाइल तस्विर
