काठमाडौं । नेपाली राष्ट्रिय फुटबल टोलीले अफगानिस्तानसंग मैत्रीपूर्ण खेल खेल्ने भएको छ । नेपाल र अफगानिस्तानबीचको मैत्रीपूर्ण खेल आगामी कार्तिक अन्तिम साता हुने अखिल नेपाल फुटबल संघ (एन्फा) ले जनाएको छ ।
नेपाल र अफगानिस्तानबीचको खेल कात्तिक २८ गते हुने एन्फा प्रबक्ता किरण राईले जानकारी गराए । प्रबक्ता राईका अनुसार मैत्रीपूर्ण खेल एन्फा टेक्निकल सेन्टर सातदोबाटोमा हुनेछ ।
नेपाल र अफगानिस्तान पछिल्लो पाँच वर्ष यता एक अर्काविरुद्ध खेलेका छैनन् । नेपाल र अफगानिस्तान पाँच बर्षअघि साफ च्याम्पियनसिपको दौरान दशरथ रंगशालामा खेलेका थिए ।
उक्त साफमा अफगानिस्तानले नेपाललाई १–० ले पराजित गर्दै फाइनल पुगेको थियो । अफगानिस्तानले फाइनलमा भारतलाई हराएर उपाधि जितेको थियो । साफबाट छुट्टिएपछि अफगानिस्तानले पहिलोपटक नेपालसंग खेल्न लागेको हो ।
-1734879364.jpg)
-1734875597.jpg)
