एजेन्सी । लिभरपुलका स्टार मोहमद सालाह च्याम्पियन्स लिग फुटबलको उत्कृष्ट फरवार्डको सुचिमा परेका छन् ।
गत सिजन च्याम्पियन्स लिग फुटबलमा उत्कृष्ट प्रर्दशन गरेका इजिप्टका अन्तराष्ट्रिय खेलाडी सालाहले ११ गोल गर्दै क्लबलाई युरोपेली क्लब फुटबलको फाईनल पु¥याएका थिए ।
फाईनल खेलको सुरुमै उनी चोट बोक्दै मैदान बाहिरिएका थिए । सो खेल रियल मड्रिडले ३–१ ले जित्दै उपाधि उचालेको थियो ।
यस्तै, भर्खरै रियल मड्रिडबाट युभेन्ट्स पुगेका क्रिस्टियानो रोनाल्डो र बार्सिलोनाका लियोनल मेस्सी समेत उत्कृष्ट फरवार्ड सुचिमा छन् ।
प्रिमियर लिगका खेलाडी सालाह उत्कृष्ट तीनमा अटाउदै विश्व फुटबलका दुई उत्कृष्ट खेलाडी मेस्सी र रोनाल्डोलाई चुनौती दिएका छन् ।
यस्तै, म्यान्चेष्टर सिटीका मिडफिल्डर केभिन डि ब्रोयना उत्कृष्ट मिडफिल्डरको सुचिमा छन् ।
स्पेनिस क्लब रियल मड्रिडका टोनी क्रुस र लुका मोड्रिच समेत सो विधामा अटाएका छन् ।
त्यस्तै, लिभरपुलका नयाँ गोलकिपर एलिसन, रियल मड्रिडका नाभास र युभेन्ट्सबाट पेरिस सेन्ट जर्मेन पीएसजी पुगेका बुफोन उत्कृष्ट गोलकिपरको सुचिमा रहेका छन् ।
त्यस्तै, उत्कृष्ट डिफेन्डरतर्फ रियलका मार्सेलो, सर्जियो रामोस र राफेल भाराने सुचिमा अटाएका छन् ।
