एजेन्सी । पाकिस्तानी बलर मोहमद अब्बास, हसन अली र ब्याट्सम्यान बाबर आजम बर्षको उत्कृष्ट क्रिकेट खेलाडी घोषित भएका छन् । मोहमद टेष्ट, हसन एकदिवसीय र बाबर टी-ट्वान्टीतर्फ उत्कृष्ट खेलाडी बन्दै 'क्रिकेटर अफ दि इयर' बनेका हुन् ।
पाकिस्तानी क्रिकेट बोर्डले बुधबार राति कराचीमा आयोजित एक बिशेष कार्यक्रममा मोहमद, हसन र बाबरलाई बर्ष खेलाडी अवार्डबाट सम्मानित गरेको थियो । बोर्डले बर्ष भरीको प्रदर्शनको आधारमा बर्ष खेलाडी घोषित गरेको हो ।
यस्तै बोर्डले फहीम अस्राफलाई इमर्जीङ प्लेयर अफ दि इयर र फखर जमानलाई बर्षको उत्कृष्ट प्रदर्शन गर्ने खेलाडी अवार्डले सम्मानित गरेको छ ।
महिलातर्फको उत्कृष्ट एकदिवसीय क्रिकेटर साना मिर र टी-ट्वान्टीतर्फ जाभिरा खान बर्ष खेलाडी चुनिएका छिन् ।
