एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटमा आज शनिबार पर्थ स्कोर्चससँग खेल्दैछ ।
लिगको ११ औं खेलमा मेलबर्नले पर्थसँग खेल्न लागेको हो । मेलबर्नमा हुने खेल नेपाली समय अनुसार बिहान १०:२५ मा सुरु हुनेछ ।
पर्थविरुद्धको खेलमा सन्दीप प्लेईङ सेटमा पर्ने सम्भावना बलियो रहेको छ । पर्थसँगको खेलका लागि घोषणा गरेको १३ सदस्सीय टिममा सन्दीप परेका छन् ।
यस सिजन सन्दीपले ९ खेलमा ११ विकेट हात पारिसकेका छन् ।
पर्थसँग मैदान उत्रदा मेलबर्न दशौँ जितको खोजीमा हुनेछ ।
मेलबर्न ११ खेलमा ९ जितसहित १८ अंक जोडेर शीर्ष स्थानमा रहेको छ । पर्थविरुद्ध जित निकाल्दै मेलबर्न उक्त जितको लय कायम राख्न चाहन्छ ।
पर्थ १० खेलमा ५ जितसहित १० अंक जोडेर लिगको चौंथो स्थानमा रहेको छ ।
यस अघि बुधबार भएको खेलमा मेलबर्नले पर्थलाई उसैको मैदानमा ८ विकेटले हराएको थियो ।
