एजेन्सी । बिग बास लिग (बीबीएल) क्रिकेटमा मेलबर्न रेनेगेड्सले नेपाली लेग स्पिनर सन्दीप लामिछाने रहेको मेलबर्न स्टार्सलाई जितका लागि १ सय ६९ रनको लक्ष्य दिएको छ ।
डकल्याण्डमा टस हारेर पहिले ब्याटिङ गरेको रेनेगेड्सले २० ओभरमा ७ विकेट गुमाएर १ सय ६८ रन बनायो ।
रेनेगेड्सका लागि शौन मार्शले सर्वाधिक ६३ रनको अर्धशतकीय इनिङ्स खेले । यस्तै मार्कुस हारिसले ४२ रन जोड्दा बेउ वेब्स्टरले २५ रन बनाए ।
टम कोपर १५ रनमा आउट हुँदा कप्तान डेनील क्रिस्टियनले १२ रन बनाए ।
मेलबर्नका नाथन कल्टर नील र सन्दीप लामिछानेले २/२ विकेट लिए ।
सन्दीपले ४ ओभरमा ३९ रन खर्चिएर २ विकेट लिएका हुन् । यस सँगै सन्दीपले यस सिजन ७ खेलमा ८ विकेट हात पार्न सफल भएका छन् ।
मेलबर्न ७ खेलमा ६ जितसहित १२ अंक जोडेको शीर्ष स्थानमा रहेको छ ।
अघिल्ला ७ खेलमा पराजय ब्यहोरेको रेनेगेड्स पहिलो जितको खोजीमा हुनेछ ।
