एजेन्सी । बिग बास लिग (बीबीएल) क्रिकेटमा सिड्नी थन्डरले नेपाली लेग स्पिनर सन्दीप लामिछाने रहेको मेलबर्न स्टार्सलाई जितका लागि १ सय ४६ रनको लक्ष्य दिएको छ ।
मेलबर्नमा पहिले ब्याटिङ गरेको सिड्नीले २० ओभरमा ५ विकेट गुमाएर १ सय ४५ रन बनायो ।
सिड्नीका लागि म्याथ्यु गिल्क्सले ४१ रन जोड्दा कलुम फर्गुसनले ३५ रन बनाए । उस्मान ख्वाजाले ३३ तथा एलेक्स हालेसले २६ रन बनाए ।
मेलबर्नका हरिस राउफले ३ विकेट लिए । सन्दीप भने विकेट विहीन बने ।
सन्दीपले ४ ओभरमा ३९ रन खर्चिए पनि विकेट लिन सकेनन् । यस सिजन सन्दीपले ५ खेलमा ६ विकेट हात पारिसकेका छन् ।
