काठमाडौं । विभागीय टिम नेपाल पुलिस क्लबले मनमोहन मेमोरियल (एमएम) कप एकदिवसीय राष्ट्रिय क्रिकेट प्रतियोगितामा कर्णाली प्रदेशलाई जितका लागि ३ सय ४७ रनको लक्ष्य दिएको छ ।
सुनसरीको इनरुवामा बुधबार टस हारेर पहिले ब्याटिङ गरेको पुलिसले ४९ ओभर ३ बलमा अलआउट भएर ३ सय ४६ रन बनायो ।
पुलिसका लागि कुशल भुर्तेल र सुनिल धमलाले अर्धशतकीय इनिङ्स खेले । कुशलले ७८ रन बनाउदा सुनिलले ७० रन बनाए ।
त्यस्तै अनिल साहले ३६ रन जोड्दा अमित श्रेष्ठले २९, ललित भण्डारीले २७ र दिपेन्द्र सिंह ऐरीले २५ रन बनाए ।
कर्णालीका रबिन्द्र शाहीले ३ तथा युनिष सिंह र राज साहले २/२ विकेट लिए ।
आज दुवै टिम जित निकाल्दै प्रतियोगितामा सुखद सुरुवात गर्ने योजनामा रहेका छन् ।
-1734919437.jpg)
-1734918317.jpg)
