काठमाडौं । एभरेष्ट प्रिमियर लिग (ईपीएल) ले यस सिजनको प्रतियोगिता खेल्ने विदेशी खेलाडीको सूची सार्वजनिक गरेको छ ।
ईपीएल आफ्नो आधिकारिक वेबसाइटबाट यस सिजन लिग खेल्ने विदेशी खेलाडीको नाम सार्वजनिक गरेको हो ।
ईपीएलले सार्वजनिक गरेको सूचीमा दक्षिण अफ्रिका, वेष्ट इण्डिज, श्रीलंका र इंग्ल्यान्डका नाम कहलिएका खेलाडी छन् ।
ईपीएल-२०२० मा नेपाल आउने विदेशी खेलाडी भन्दै वेबसाइटमा राखिएको सूचीमा दक्षिण अफ्रिकाका हसिम अमला रहेका छन् ।
यस्तै वेस्ट इण्डिजका ड्वाने स्मिथ, केस्रिक विलियम्स, इंग्ल्यान्डका लियाम प्लनकेट, श्रीलंकाका सेकुगे प्रसन्ना र उपुल थरंगा रहेका छन् ।
त्यस्तै अफगानिस्तानका मोहमद साहजाद रहेका छन् । तर, उनीहरुले खेल्ने टिमबारे भने खुलाईएको छैन ।
ईपीएलले विदेशी खेलाडीको लागि विशेष प्रावधान बनाएसँगै ईपीएलमा ठुला खेलाडीको आगमन हुन लागेको हो । आयोजकले गत संस्करणको ईपीएल पछिका अन्य नेपाली घरेलु प्रतियोगिता खेलेका विदेशी खेलाडीले यस संस्करणको ईपीएल खेल्न नपाउने नयाँ प्रावधान बनाएको छ ।
चौंथो संस्करणको ईपीएल चैत १ देखि १५ गतेसम्म काठमाडौंमा संचालन हुनेछ ।
-1734919437.jpg)
-1734918317.jpg)
