काठमाडौं । काठमाडौं क्रिकेट ट्रेनिङ्ग सेन्टर गर्ल्स (केसीटिसी गर्ल्स) ले वुमेन समर इन्डोर क्रिकेट प्रतियोगिताको उपाधि जितेको छ l मंगलबार भएको फाइनलमा केसीटिसी गर्ल्सले श्री श्री योद्धालाई ८१ रनले पराजित गर्यो l
कोटेश्वरस्थित अल्टिमेट इन्डोरमापहिले ब्याटिङ्ग गर्दै केसीटिसी गर्ल्सले निर्धारित १२ ओभरमा ८५ रनको योगफल तयार गरेको थियो l जवाफमा श्री श्री योद्धाले ५ रन मात्रै बनाउन सक्यो l केसीटिसीलाई जिताउन प्लेयर अफ द म्याच बनेकी करुना भण्डारीले १८ रन बनाए l यस्तै ४ विकेट समेत लिईन् l
उपाधिसंगै केसीटिसीले ३५ हजार रुपैयाँ र ट्रफी प्राप्त गरेको छ l उपविजेता श्री श्रीले १५ हजार रुपैया र ट्रफी प्राप्त गर्यो l
राइजिङ्ग क्रिकेट फर वुमेनको आयोजनामा भएको प्रतियोगितामा राइजिङ्ग क्रिकेट फर वुमेन, गौतम ग्रुप, थन्ड़र बर्ड्स, केसीटिसी गर्ल्स र श्री श्री योद्धा गरि कुल ५ टिम सहभागी थिए l
