एजेन्सी । आधुनिक क्रिकेटको एक ठुलो नाम हो विराट कोहली । भारतीय कप्तान समेत रहेका विराट विश्वका एक उत्कृष्ट ब्याट्सम्यान मध्येका एक हुन् ।
दिल्लीका दाँया हाते ब्याट्सम्यान विराटले अन्तराष्ट्रिय क्रिकेटमा ६८ शतक प्रहार गरेका छन् । उनको तथ्यांक हेर्ने हो भने अविश्वनीय छ र जब उनी मैदानमा उत्रन्छन् हरेक खेलमा उत्कृष्ट प्रदर्शन गर्छन् ।
तर, यदि विराट क्रिकेटमा थिएनन् भने को हुन्थ्यो होला उनको स्थानमा ? उनको जस्तो सफलता पाएको खेलाडी को छन् होला ?
विश्वका राम्रो ब्याट्सम्यानको कुरा गर्दा केन विलियम्सन, जोय रुट, स्टिभ स्मिथ जस्ता खेलाडीको नाम लिने गर्छन् । तर, सबैले छुट्टाउने र त्यस सूचीमा दाजिन सक्ने एक नाम हो रोहित शर्मा ।
भारतीय ओपनर रोहित विराट भन्दा केहि मात्र पछि रहेका छन् । रोहित गत संस्करणको विश्वकपमा सर्वाधिक रन बनाउने खेलाडी समेत हुन् ।
रोहित लामो फर्म्याटको क्रिकेटमा केहि संघर्ष गर्ने गरेका छन् । तर, जब सिमित ओभरको क्रिकेटको कुरा आउँछ, रोहितसँग दाँज्न मिल्ने सिमित खेलाडी मात्र रहेका छन् ।
मुम्बईका ब्याट्सम्यान रोहितले २ सय ११ इनिङ्समा ४८ को औषतमा ८ हजार ६ सय भन्दा बढी रन बनाएका छन् । २७ शतक समेत प्रहार गरेका उनी एकदिवसीयमा सर्वाधिक शतक प्रहार गर्ने खेलाडीमा हसिम अमलासँगै पाँचौं स्थानमा रहेका छन् ।
भारतका उप कप्तान समेत रहेका रोहित एकदिवसीयमा एक इनिङको सर्वाधिक रन बनाउने खेलाडी हुन् । उनले श्रीलंकाविरुद्ध २ सय ६४ रन बनाएका थिए ।
टी-ट्वान्टीमा रोहितको तथ्यांक हेर्ने हो भने, उनी सर्वाधिक शतक प्रहार गर्ने खेलाडी हुन् । ४ शतक प्रहार गरेका रोहित टी-ट्वान्टी अन्तराष्ट्रियमा सर्वाधिक रन बनाउने खेलाडी समेत हुन् ।
यो त उनको तथ्यांक मात्र हो, उनको हालको प्रदर्शन हेर्दा अझ लोभलाग्दो रहेको छ । रोहितको करियरलाई दुई भागमा विभाजन गर्न सकिन्छ, एक मिडल अडर ब्याट्सम्यान र ओपनरको रुपमा ।
रोहितले सन् २०१३ बाट ओपनिङ गर्न सुरु गरेका हुन् । त्यसयता उनले कहिले पछाडी फर्केर हेर्नु परेको छैन । २७ शतक मध्ये २५ शतक उनले ओपनिङ गर्दा नै प्रहार गरेका हुन् ।
रोहितको क्षमता भनेको नै खेलमा लामो समय टिक्न सक्ने र शतक बनाउने हो । खेलमा कुनै खेलाडीले तेस्रो अंकको रन बनाउन सायदैले सक्छन् तर रोहितमा त्यसको कुनै कमी छैन ।
जब रोहितले शतक प्रहार गर्ने गर्छन्, त्यसपछि उनले फर कढंगले बलरको चुटाई गर्न थाल्छन् । उनले तीन पटक दोहोरो शतक प्रहार गरेको कीर्तिमान नै यसको एक उदाहरण हो ।
रोहितले एकदिवसीयमा तीन पटक दोहोरो शतक प्रहार गर्दा हालसम्म मात्र ४ खेलाडीले दोहोरो शतक बनाएका छन् ।
तर, रोहितको प्रदर्शन नियमित छैन । त्यसैले रोहित भन्दा विराट अघि रहेका छन् । रोहित आफ्नो करियरमा कुनै समयपनि नियमित लयमा प्रदर्शन गर्न सकेका छैनन् । तर, पछिल्लो समयको तथ्यांक हेर्दा उनले खेलमा निकै सुधार गरेका छन् ।
सन् २०१५ बाट उनले एकदिवसीयमा २१ शतक प्रहार गरेका छन् जुन विराट भन्दा १ शतक कम हो ।
रोहितको सबल पक्ष भनेको उनको कप्तानी हो । उनले सायदै राष्ट्रिय टिमको कप्तानी गर्न पाउने गरेका छन् । तर, जब मौका पाएका छन्, उनले आफुलाई प्रमाणित गरेका छन् ।
रोहितको कप्तानीमा भारतले १० एकदिवसीयमा ८ मा जित हात पारेको छ र १५ टी-ट्वान्टी अन्तराष्ट्रियमा १२ मा जित निकालेको छ । जसमा निदास ट्रफी र एसिया कपको उपाधि समेत रहेको छ ।
यस्तै उनलाई सफल कप्तानको भूमिकामा देखाउने आईपीएल समेत रहेको छ । उनले मुम्बई इण्डियन्सबाट ४ पटक उपाधि जितेका छन् । त्यसैले यदि विराट क्रिकेटमा हुन्थेन त रोहितले आज सिमित ओभरको क्रिकेटमा विराटको स्थानमा कप्तानी पाउने थिए ।
विराट एक फरक स्तर भएका खेलाडी हुन् । तर रोहितले समेत आफ्नो महत्वबारे प्रमाण पेश गरेका छन् । त्यसैले उनलाई समेत विश्वका उत्कृष्ट खेलाडीको स्थानमा राखिनु पर्छ ।
रोहितले थुप्रै खेलमा भारतलाई जिताएका छन् । यदि विराट हुँदैनन् थिए त रोहित हाल भारतका उत्कृष्ट ब्याट्सम्यान हुने थिए ।
रोहितले जति श्रेय पाउने गरेका छन्, त्यो भन्दा माथिल्लो तहको सम्मान पाउने पर्ने थियो । रोहित सर्वोत्कृष्ट नहुन पनि सक्छन् तर उनले पाउने गरेको श्रेय भन्दा अझ उनको प्रदर्शन धेरै माथि छ ।
-1734879364.jpg)
-1734875597.jpg)
