एजेन्सी । इंग्ल्यान्डका गोलकिपर जोए हार्ट इन्ग्लिश क्लब बर्नलीमा अनुबन्ध भएका छन् । बर्नलीले म्यानचेस्टर सिटीबाट हार्टलाई दुई बर्षको लागि क्लबमा भित्राएको हो ।
हार्ट र बर्नलीबीचको अनुबन्ध रकम भने खुलाईएको छैन । तर, इंग्ल्यान्डका ३१ बर्षीय हार्टलाई ३.५ मिलियन पाउण्डमा बर्नलीले अनुबन्ध गरेको स्काई स्पोर्ट्सले जनाएको छ ।
सन् २००६ मा सिटी आएका हार्ट पछिल्लो समय पहिलो रोजाईमा पर्न छाडेका थिए । हार्ट पछिल्लो सिजन वेष्ट ह्यामबाट लोनमा खेलेका थिए । हार्टले सिटीका लागि २६६ खेल खेलेका थिए । उनले सिटीमा रहदा दुई प्रिमियर लिग र एक एफए कप जितेका थिए ।
हार्ट गत महिना भएको विश्वकपमा समेत इन्ग्लिश टोलीमा परेका थिएनन् । हार्टले इंग्ल्यान्डको लागि ७५ खेल खेलिसकेका छन् ।
-1734842793.webp)
