काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटको चौथो खेलमा अहिले होबर्ट हुरिकेन्ससँग प्रतिस्पर्धा गर्दैछ ।
हुरिकेन्सविरुद्ध मेलबर्नले टस जितेर पहिले फिल्डिङ रोजेको छ ।
हुरिकेन्सविरुद्ध सन्दीप प्लेईङ सेटमा परेका छन् । सन्दीप लगातार चौंथो खेलमा प्लेईङ सेटमा परेका हुन् ।
बीबीएलमा यस सिजन सन्दीपको प्रदर्शन औसत रहेको छ । उनले ७ दशमलब १० को इकोनमिमा ३ खेलमा ३ विकेट लिएका छन् । सर्वाधिक विकेट लिने खेलाडीको सूचीमा सन्दीप १९ औं स्थानमा रहेका छन् ।
तीन खेलमा दुई जित र एक हार ब्यहोरेको मेलबर्न ४ अंक सहित अंक तालिकाको चौथो स्थानमा रहेको छ ।
समान खेलमा समान अंक भएपनि हुरिकेन्स नेटरनरेटको आधारमा पाँचौं स्थानमा रहेको छ ।
यसै सिजनको पहिलो भेटमा मेलबर्नले हुरिकेन्सलाई ५२ रनले पराजित गरेको थियो ।
-1734879364.jpg)
-1734875597.jpg)
