काठमाडाै । राष्ट्रिय क्रिकेट टिमका मुख्य प्रशिक्षक जगत टमाटाले नेपालले अगामी १० बर्षभित्र टेष्ट खेल्न सक्ने बताएका छन् । नेदरल्याण्ड सिरिज खेल्दै स्वदेश फर्किएपछि त्रिभुवन अन्तराष्ट्रिय विमानस्थलमा सञ्चारकर्मीसंग प्रशिक्षक टमाटाले खेलाडीले अझ धेरै राम्रा टोलीसंग खेल्न अवसर पाए आठ, दश बर्षमा नेपालले टेष्ट खेल्न सक्ने बताए ।
नेपाली खेलाडी क्षमतावान रहेको उल्लेख गर्दै उनले खेलाडीलाई अवसरको खाँचो रहेको बताएका हुन् । ‘खेलाडीलाई एक्सपोजरको जरुरी छ । यस्तै म्याचहरु खेल्न पाए हामी अझ अगाडी जान सक्छौ । आठ, दश बर्षमा हामीले टेष्ट खेल्न सक्छौ ।’ उनले भने ।
नेपाली टिम सन्तुलित रहेको उल्लेख गर्दै उनले खेलाडीबीचको प्रतिस्पर्धी भावनाले समग्र टिमलाई फाईदा पुगेको बताए ।
नेदरल्याण्ड सिरिज राम्रो रहेको बताउदै उनले नेपाली टोलीले अन्तराष्ट्रिय स्तरको फिल्डिङ अन्तर्राष्ट्रिय वान डे सिरिजमा देखाएको दाबी गरे ।
