काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटको तेस्रो खेलमा एडिलेइड स्ट्राइकर्ससँग प्रतिस्पर्धा गर्दैछ ।
अघिल्ला दुई खेलमा जित निकालेको मेलबर्नले नेपाली समय अनुसार दिउँसो १:४५ बजे स्ट्राइकर्ससँग खेल्नेछ ।
यस अघि मेलबर्नले ब्रिसबेन हिट र होबर्ट हुरिकान्सलाई हराएको थियो ।
स्ट्राइकर्सविरुद्धको खेलमा सन्दीप प्लेईङ सेटमा पर्ने सम्भावना रहेको छ । किनकी सन्दीपले अघिल्ला दुई खेलमा मौका पाएका थिए । सन्दीपले २ खेलमा २ विकेट लिएका छन् ।
