पोखरा । दोस्रो संस्करणको पोखरा प्रिमियर लिग टी-ट्वान्टी क्रिकेट (पीपीएल) मा एक्स्पर्ट धनगढीले बुटवल ब्लास्टर्सलाई जितका लागि १ सय ४१ रनको लक्ष्य दिएको छ ।
पोखरा रंगशालामा टस हारेर पहिले ब्याटिङ गरेको धनगढीले १९ ओभर ५ बलमा अलआउट हुँदै १ सय ४० रन बनायो ।
धनगढीका लागि कप्तान दिपेन्द्र सिंह ऐरीले ६१ रनको अर्धशतकीय इनिङ्स खेले । यस्तै सन्दीप जोराले ३९ रन जोड्दा सौरभ खनालले १० रन बनाए ।
बुटवलका अविनाश बोहराले ४ विकेट लिए । यस्तै ललित भण्डारीले ३ विकेट लिए ।
दुवै टोली जित निकाल्दै प्ले अफ सम्भावना कायम राख्ने योजनामा रहेका छन् ।
तीन खेलमा ४ अंक जोडेको बुटवल तालिकाको तेस्रो स्थानमा रहेको छ । तीन खेलमा २ अंक जोडेको धनगढी तालिकाको पुछारमा रहेको छ ।
प्ले अफका लागि दुवै टोलीलाई जित महत्वपूर्ण रहेको छ ।
