काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटमा होबर्ट हुरिकान्सलाई जितका लागि १ सय ६४ रनको लक्ष्य दिएको छ ।
टस जितेर पहिले ब्याटिङ गरेको मेलबर्नले २० ओभरमा ४ विकेट गुमाएर १ सय ६३ रन बनायो ।
मेलबर्नका लागि मार्कोस स्टोनिसले ८१ रनको अर्धशतकीय इनिङ्स खेले । यस्तै निक म्याडिसनले ४० तथा बेन डन्कले १९ रन बनाए ।
हुरिकान्सका रीले मेरेडिथले ३ विकेट लिए ।
हुरिकान्सविरुद्धको खेलमा सन्दीप प्लेईङ सेटमा परेका छन् । पहिलो खेलमा सन्दीपले ३८ रन खर्चेर १ विकेट लिएका थिए ।
मेलबर्नले पहिलो खेलमा ब्रिसबेन हिटलाई २२ रनले पराजित गरेको थियो ।
