पोखरा । दोस्रो संस्करणको पोखरा प्रिमियर लिग टी-ट्वान्टी क्रिकेट (पीपीएल) मा अहिले विराटनगर टाईटन्स र चितवन राइनोजबीच प्रतिस्पर्धा भईरहेको छ ।
पोखरा रंगशालामा चितवनले विराटनगरलाई जितका लागि १ सय ४७ रनको लक्ष्य दिएको छ ।
टस हारेर पहिले ब्याटिङ गरेको चितवनले २० ओभरमा ४ विकेट गुमाएर १ सय ४६ रन बनायो ।
चितवनको लागि आरिफ शेखले अविजित ३९ रन जोड्दा सन्नी पटेलले अविजित २७ रन बनाए ।
यस्तै कप्तान पारस खड्काले ३५ रन जोड्दा बाबर हायातले २५ रन बनाए ।
विराटनगरका जितेन्द्र मुखिया, किशोर महतो, पुनित मेहेरा, मुहमद जायद आलमले एक एक विकेट लिए ।
