एजेन्सी । प्रि-सिजन अघिको मैत्रीपूर्ण खेलमा इन्ग्लिश क्लब आर्सनलले इटालियन क्लब लाजियोलाई हराएको छ । शनिबार राति भएको खेलमा आर्सनलले लाजियोलाई २ – ० ले हराएको हो ।
डुब्लीनमा भएको खेलमा आर्सनललाई जित दिलाउन नेल्सन र पेरिक एम्रिक आबुमियाङले एक एक गोल गरे । जितसंगै आर्सनलले प्रि सिजनको सुखद अन्त्य गरेको छ ।
पहिलो हाफको १८ औं मिनेटमा नेल्सनले गोल गर्दै आर्सनललाई सुरुवाती अग्रता दिलाएका थिए । पहिलो हाफमा १ – ० ले अघि रहेको आर्सनलले दोस्रो हाफमा एक गोल गर्दै सहज जित निकाल्यो । खेलको ६४ औं मिनेटमा आबुमियाङले गोल गर्दै आर्सनललाई २ – ० को जित दिलाए ।
यसअघि भएको मैत्रीपूर्ण खेलमा आर्सनलले चेल्सीलाई हराएको थियो । इन्ग्लिश प्रिमियर लिग सुरु हुनुअघि आर्सनलले लाजियोसंग मैत्रीपूर्ण खेल खेलेको हो । प्रिमियर लिग अगष्ट ११ बाट सुरु हुँदैछ ।
