पोखरा । दोस्रो संस्करणको पोखरा प्रिमिएर लिग (पीपीएल) क्रिकेट अन्तर्गत तेस्रो खेलमा अहिले बुटवल ब्लास्टर्स र काठमाडौं गोल्डेनबीच प्रतिस्पर्धा भईरहेको छ ।
पोखरा रंगशालामा बुटवल ब्लास्टर्सले टस जितेको र पहिले फिल्डिङ निर्णय गरेको छ । बुटवलले फिल्डिङ रोजेपछि काठमाडौंले ब्याटिङ गरिरहेको छ ।
उद्घाटन खेलमा घरेलु टोली पोखरा पल्टनसँग पराजित काठमाडौं दोस्रो खेलमा जित निकाल्दै अघिल्लो चरण प्रवेशको सम्भावना कायम राख्न चाहन्छ ।
यस्तै, बुटवल सुखद सुरुवातको लक्ष्यमा रहेको छ ।
बुटवलको कप्तानी सोमपाल कामीले गरेका छन् भने काठमाडौं ज्ञानेन्द्र मल्लको कप्तानीमा रहेको छ ।
गत संस्करणको लिग चरणको खेलमा काठमाडौंले बुटवललाई ३७ रनले पराजित गरेको थियो ।
-1734842793.webp)
