पोखरा । दोस्रो संस्करणको पोखरा प्रिमिएर लिग (पीपीएल) क्रिकेट अन्तर्गत दोस्रो खेलमा विराटनगर टाईटन्सले पहिले बलिङ गर्ने भएको छ ।
पोखरा रंगशालामा विराटनगरले टस जितेर बलिङ गर्ने निर्णय गरेपछि धनगढी ब्लुजले ब्याटिङ गर्दैछ ।
आज दुवै टोली जित निकाल्दै लिगमा सुखद सुरुवात गर्ने लक्ष्यमा रहेका छन् ।
विराटनगर प्रदिप ऐरीको कप्तानीमा रहेको छ भने धनगढीको नेतृत्व राष्ट्रिय टिमका उपकप्तान समेत रहेका दिपेन्द्र सिंह ऐरीले गर्नेछन् ।
गत संस्करणको पीपीएलमा यी दुई टोलीलिग चरणमा भेटेका थिए । जसमा धनगढीले विराटनगरलाई ७८ रनले पराजित गरेको थियो ।
पहिलो संस्करणको अंक तालिकामा विराटनगर छैठौं र धनगडी चौथो स्थानमा रहेको थियो । दुवै टोलीले दोस्रो चरण प्रवेश गर्न सकेका थिएनन् ।
