एजेन्सी । इंग्ल्याण्डका क्रिकेटर बेन स्टोक्सले बीबीसी स्पोर्ट्स पर्सनालिटी अफ दि ईयर अवार्ड जितेका छन् ।
विश्व भरमा खेलकुद समर्थकहरुको भोटको आधारमा स्टोक्सले अवार्ड जितेका हुन् ।
अवार्ड जित्ने क्रममा उनले फर्मुला वानका लेविस ह्यामिल्टन र स्प्रिटर डीना अशेर स्मिथलाई पछि पारे ।
अलराउन्डर स्टोक्सले घरेलु मैदानमा भएको विश्वकपमा उत्कृष्ट प्रदर्शन गरेका थिए ।
जसको कारण इंग्ल्याण्डले न्युजिल्यान्डलाई सुपर ओभरमा हराएर पहिलोपटक एकदिवसीय विश्वकपको उपाधि जितेको थियो ।
यस्तै इंग्ल्याण्डको विश्वकप क्रिकेट टिमले टिम अफ दि ईयर अवार्ड जितेको छ ।
बीबीसी स्पोर्ट्स पर्सनालिटी वर्ल्ड स्पोर्ट्स स्टार अफ दि ईयर अवार्ड म्याराथन धावक इलिड किपचोगेले जिते ।
'कोच अफ दि ईयर' जोन ब्लाकीले जित्दा 'योङ स्पोर्ट्स पर्सनालिटी अफि दि ईयर' अवार्ड कारोलिन डुबोइसले हात पारे ।
-1734842793.webp)
