पोखरा । दोस्रो संस्करणको पोखरा प्रिमिएर लिग (पीपीएल) टी ट्वान्टी क्रिकेटमा कुशल भुर्तेलले अर्धशतक प्रहार गरेका छन् ।
पोखरा पल्टनबाट खेलिरहेका कुशलले उद्घाटन खेलमा काठमाडौं गोल्डेनविरुद्ध अर्धशतक प्रहार गरेका हुन् ।
कुशल पीपीएलको दोस्रो संस्करणमा अर्धशतक प्रहार गर्ने पहिलो खेलाडी बनेका छन् ।
अर्धशतक प्रहार गर्ने क्रममा उनले ३४ बलमा ४ चौका र ३ छक्का प्रहार गरे । कुशल ५८ रन बनाएर खेलीरहेका छन् ।
