एजेन्सी । इन्ग्लिश क्लब लेष्टर सिटीका फरवार्ड अहमेद मुसा साउदी अरेबियाको क्लबमा अनुबन्धित भएका छन् । नारेजेरियाका फरवार्ड मुसाले अल नासार एफसीसंग सम्झौता गरेका छन् ।
रुस विश्वकप फुटबलमा चम्किएका मुसाले अल नासारसंग चार बर्षे सम्झौता गरेका छन् । तर, अनुबन्ध रकमबारे खुलाईएको छैन । मुसा सन् २०१६ मा रुसी क्लब सीएसके मस्कोबाट क्लबको कीर्तिमानी मुल्य १६ मिलियन पाउण्डमा लेष्टर आएका थिए ।
गत सिजन मुसाले रुसी क्लब मस्कोबाट लोनमा खेलेका थिए । मुसाले मस्कोबाट १० खेलमा ६ गोल गरेका थिए । यस्तै लेष्टरमा २१ खेल खेलेका मुसाले २ गोल गरेका थिए ।
गत महिना रुसमा सम्पन्न विश्वकपमा मुसाले दुई गोल गरेका थिए । मुसाले समूह चरणमा आइसल्याण्डविरुद्ध दुई गोल गरेका थिए ।
