पोखरा । १३ औं दक्षिण एसियाली खेलकुद अन्तर्गत महिला क्रिकेटको स्वर्ण पदक बंगलादेशले जितेको छ ।
आइतबार भएको फाइनलमा श्रीलंकालाई २ रनले पराजित गर्दै बंगलादेशले स्वर्ण जितेको हो ।
पोखरा रंगशालामा बंगलादेशले दिएको ९२ रनको सामान्य लक्ष्य पछ्याएको श्रीलंकाले २० ओभरमा ९ विकेट गुमाएर ८९ रन मात्र बनाउन सक्यो ।
श्रीलंकाकी कप्तान हर्सिता माधवीले ३२ रन जोड्दा लिहिनी अप्सराले २५ रन जोडिन । बंगलादेशकी नहिदा अख्तरले २ विकेट लिईन् ।
![](https://scontent.fktm8-1.fna.fbcdn.net/v/t1.15752-9/78492257_290636228541868_9156262189307265024_n.jpg?_nc_cat=102&_nc_eui2=AeGdnVrC-0ml5cfHh1KYOr3aqsjqmk2M8qtwxEuoX-rmNJCOLJWgfQJBNKFu2ivJW1XISKhpp7wDmjZHQOD_yvnhqS0TlPKGWfkAHeLy6JY4Og&_nc_ohc=kXF4yamw3rAAQkhObAgzfEkQFdGy4JeAwGxDAWqJSXpdjBS1xIGLyAHSw&_nc_ht=scontent.fktm8-1.fna&oh=c2264eddb3a7d72101307d4fd8aee55a&oe=5E8B8DD1)
यस अघि पहिले ब्याटिङ बंगलादेशले २० ओभरमा ८ विकेट गुमाएर ९१ रन बनाएको थियो ।
बंगलादेशका लागि निगर सुल्तानाले २९ रन जोड्दा सन्जिदा इस्लाम र फाहिम खातुनले समान १५/१५ रन जोडिन । श्रीलंकाकी उमिषा थिमासिनीले ४ विकेट लिईन् ।
नेपालले भने कास्य पदक जितेको छ ।
नेपालकी बलर अंजली चन्द प्रतियोगिताकै उत्कृष्ट बलर सहित सर्वोत्कृष्ट खेलाडी घोषित भइन् ।