काठमाडौं । नेपालमा आयोजना हुने १३ औं दक्षिण एसियाली खेलकुद प्रतियोगिता (साग) को औपचारिक उद्घाटन आज (आइतबार) हुँदैछ ।
त्रिपुरेश्वरस्थित दशरथ रंगशालामा साँझ विशेष कार्यक्रमकाबीच सागको उद्घाटन हुनेछ । र, सागको उद्घाटन हुने दिन आइतबार उपत्यकामा बिजोर नम्बरको सवारीसाधन मात्र चलाउन पाईनेछ ।
सागको उद्घाटनलाई मध्ये नजर गर्दै महानगरीय ट्राफिक प्रहरी महाशाखाले आइतबार बिजोर नम्बरको गाडी मात्र प्रयोग गर्न अनुरोध गरेको छ । यस्तै सागको समापनको दिन मंसिर २४ गते भने जोर नम्बरको सवारीसाधन चल्नेछ ।
सरकारी, अत्यावश्यक सेवा, खेलसँग आबद्ध र सञ्चारकर्मीका लागि भने यो नियम लागू हुने छैन ।
यस्तै सर्वसाधारणका लागि टुँडिखेल र पत्रकारका लागि नेपाली सेनाको अफिसर्स क्लबमा सवारी पार्किङको व्यवस्था गरिएको छ ।
