काठमाडौं । युएईमा जारी टी-१० क्रिकेट लिगको सुपर लिग अन्तर्गत अहिले नेपाली राष्ट्रिय क्रिकेट टिमका लेग स्पिनर सन्दीप लामिछाने र पूर्व कप्तान पारस खड्का रहेको टिमबीच प्रतिस्पर्धा भईरहेको छ ।
आबु धाबीस्थित शेख जायद स्टेडियममा पारसको टिम आबु धाबीले सन्दीपको टिम कर्नाटका टुसकेर्सलाई जितका लागि १ सय २९ रनको लक्ष्य दिएको छ ।
टस जितेर पहिले ब्याटिङ गरेको आबु धाबीले १० ओभरमा २ विकेट गुमाएर १ सय २८ रन बनायो ।
आबु धाबीका लुक राइटले ५७ रनको अर्धशतकीय इनिङ्स खेले । यस्तै कप्तान मोइन अलीले ३५ रन जोड्दा वाएण म्याडसेन २० रनमा अविजित रहे ।
कर्नाटकाका नाथन रिमिङटनले १ विकेट लिए ।
खेलमा पारस प्लेईङ सेटमा पर्दा सन्दीप बेन्चमा रहेका छन् ।
