धनगढी । लिटिल फ्लावर ईङ्लिस स्कुलले डिसिए कप यू–१४ क्रिकेट प्रतियोगिताको उपाधि जितेको छ ।
धनगढीको फाप्ला खेल मैदानमा शुक्रबार भएको फाइनलमा ब्रोड भिजनलाई ५ विकेटले पराजित गर्दै लिटल फ्लावरले उपाधि उचालेको हो ।
उपाधिसँगै लिटल फ्लावरले १५ हजार नगद पुरस्कार प्राप्त गरेको छ ।
टस जितेर पहिले ब्याटिङ गरेको ब्रोड भिजनले १४ ओभर ५ बलमा अलआउट हुँदै ५२ रन बनाएको थियो । ब्रोड भिजनका लागि सुशील सिंहले १४ र सन्तोष ताम्राकारले अविजित ११ रन बनाए । ब्रोड भिजनलाईृ सस्तैमा समेट्न लिटिल फ्लावरका सन्दिप सिंहले ३ तथा सार्थक बमले २ विकेट लिए ।
ब्रोड भिजनले दिएको ५३ रनको लक्ष्य लिटिल फ्लावरले १२ ओभरमा ५ विकेट गुमाएर पुरा गर्यो । लिटिल फ्लावरका पुस्कर बडुले अविजित १८ र पारष एैरले अविजित ११ रन बनाए । ब्रोड भिजनका निरज एैरले ३ विकेट प्राप्त गरे ।
धनगढी क्रिकेट एकेडेमीको आयोजनामा भएको प्रतियोगिताका बेष्ट बलर ब्रोड भिजनका निरज ऐर, बेष्ट ब्याट्सम्यान स्टेपिङ स्टोनका विशाल विष्ट र म्यान अफ द सिरिज लिटिल फ्लावरका नरेन भट्ट चुनिए ।
