काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको टिम कर्नाटका टुसकेर्सले युएईमा जारी टी-१० क्रिकेट लिगमा अहिले क्वालान्दर्सविरुद्ध प्रतिस्पर्धा गरिरहेको छ ।
युएईको आबु धाबीमा क्वालान्दर्सले सन्दीपको टिम कर्नाटकालाई जितका लागि १ सय ३१ रनको लक्ष्य दिएको छ ।
टस जितेर पहिले ब्याटिङ क्वालान्दर्सले १० ओभरमा ७ विकेट गुमाएर १ सय ३० रन बनायो ।
क्वालान्दर्सका टम बान्टोनले ८० रनको अर्धशतकीय इनिङ्स खेले । यस्तै लाउरी इभान्सले १७ रन जोड्दा सुल्तान अहमेद र फिल साल्टले ११/११ रन जोडे ।
कर्नाटकाका सन्दीप लामिछाने र अहमेद राजाले समान २/२ विकेट लिए । सन्दीपले ३० रन खर्चिएर २ विकेट लिएका हुन् ।
-1734842793.webp)
