काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको टिम कर्नाटका टुसकेर्सले युएईमा जारी टी-१० क्रिकेट लिगमा आज (बिहिबार) क्वालान्दर्सविरुद्ध प्रतिस्पर्धा गर्दैछ ।
युएईको आबु धाबीमा हुने सन्दीपको टिम कर्नाटका र क्वालान्दर्सबीचको खेल नेपाली समय अनुसार राति ७:३० मा सुरु हुनेछ ।
क्वालान्दर्सविरुद्ध मैदान उत्रदा कर्नाटका जित निकाल्दै सुपर लिगको शीर्ष चारमा उक्लन चाहन्छ ।
सुपर लिगमा कर्नाटका ४ खेलमा ३ अंक जोडेर समूहको पुछारबाट दोस्रो स्थानमा रहेको छ ।
यस्तै क्वालान्दर्स पनि ३ अंक जोडेर छैटौं स्थानमा रहेको छ । क्वालान्दर्स पनि जित निकाल्दै शीर्ष चारमा पुग्न चाहन्छ ।
क्वालान्दर्सविरुद्ध कर्नाटकाले सन्दीपलाई प्लेईङ सेटमा खेलाउने सम्भावना बलियो रहेको छ । सन्दीपले अघिल्ला खेलमा उत्कृष्ट प्रदर्शन गर्दै आइरहेका छन्।
सन्दीपले पाँच खेलमा ४ विकेट लिईसकेका छन् ।
-1734842793.webp)
