काठमाडौं । नेपालले आज एकदिवसीय क्रिकेटमा ऐतिहासिक खेल खेल्दै छ । अन्तर्राष्ट्रिय क्रिकेट परिसद (आइसीसी) बाट एकदिवसीय राष्ट्रको मान्यता पाएपछि नेपालले आज पहिलो अन्तर्राष्ट्रिय एकदिवसीय खेल खेल्न लागेको हो ।
नेपालले आज घरेलु टोली नेदरल्याण्डविरुद्ध मैदान उत्रदै एकदिवसीय क्रिकेटमा डेब्यु गर्नेछ । र, एकदिवसीय क्रिकेटको डेब्यु खेलमा नेपालले पहिले बलिङ गर्ने भएको छ । नेदरल्याण्डले टस जितेर पहिले ब्याटिङ गर्ने निर्णय गरेसंगै नेपालले फिल्डिङ पाएको हो ।
एमस्ट्राडममा हुने नेपाल र नेदरल्याण्डबीचको पहिलो खेल नेपाली समय अनुसार २:४५ मा सुरु हुनेछ । उक्त खेल कान्तिपुर टेलिभिजनबाट नेपालमा लाइभ हेर्न सकिनेछ । यस्तै यो खेल अनलाइनबाट पनि लाइभ हेर्न सकिने छ ।
गत फेब्रुअरीमा जिम्बावेमा भएको विश्वकप छनोटबाट नेपालले अन्तर्राष्ट्रिय क्रिकेट परिषद (आइसीसी) बाट एकदिवसीय अन्तर्राष्ट्रिय राष्ट्रको मान्यता पाएको थियो । नेपालले घरेलु टोलीसंग शुक्रबार दोस्रो खेल खेल्नेछ ।
-1732845388.webp)
