काठमाडौं । युएईमा जारी टी–१० क्रिकेट लिगमा नेपाली राष्ट्रिय क्रिकेट टिमा लेग स्पिनर सन्दीप लामिछाने प्लेईङ सेटमा परेका छन् ।
कर्नाटका टुसकेर्सबाट खेलिरहेको सन्दीपले सिजनको पहिलो खेलमै प्लेईङ सेटमा स्थान बनाएका हुन् ।
युनाईटेड अरब ईमिरेट्स (युएई)को आबु धाबीमा सन्दीपको टिम टुसकेर्सले दिल्ली बुल्ससंग प्रतिस्पर्धा गर्दैछ ।
दिल्ली बुल्सले खेलमा टस जितेर फिल्डिङ रोजेपछि सन्दीपको टिम टुसकेर्सले ब्याटिङको निम्तो पाएको छ ।
सन्दीपले अघिल्लो सिजन टी–१०मा उत्कृष्ट प्रर्दशन गरेका थिए । सोही कारण उनले प्लेईङ सेटमा मौका पाउने सम्भावना प्रवल थियो ।
बुल्सविरुद्ध मैदान उत्रदा टुसकेर्स सुखद सुरुवात गर्ने लक्ष्यमा हुनेछ । यस्तै बुल्स पनि पहिलो जितको खोजीमा हुनेछ ।
यस अघि शुक्रबार नेपाली राष्ट्रिय टिममा निवर्तमान कप्तान पारस खड्का रहेको टिम आबु धाबीले क्वालान्डर्ससँग अंक बाडेका थिए ।
दुई टिमबीचको खेल 'टाई' भएपछि दुवै टिमले एक एक अंक बाडेका हुन् ।
-1734879364.jpg)
-1734875597.jpg)
