काठमाडौं । नेपाल भ्रमणमा रहेका भारतीय क्रिकेट लिजेण्ड सचिन तेन्दुलकर र नेपाली राष्ट्रिय टिमका पूर्व कप्तान विनोद दासको टिमबीच मैत्रीपूर्ण खेल भएको छ ।
टियु क्रिकेट मैदानमा शनिबार भएको १० ओभरको मैत्रीपूर्णमा सचिनको टिम ब्लुले विनोदको रेडमाथि ६ विकेटको जित निकालेको छ ।
विनोदको टिमले दिएको ४६ रनको लक्ष्य सचिनको टिमले ८ ओभरमा पुरा गर्यो ।
सचिनले ७ रन बनाए ।
दुवै टिममा विभिन्न स्कुलका विद्यार्थी खेलाडी रहेका थिए ।
युनिसेफको सद्भावना दूत रहेका सचिन बाल अधिकार सम्बन्धि एक कार्यक्रममा सहभागी हुन नेपाल आएका हुन् ।
क्रिकेटको भगवानको रुपमा चिनिने सचिन शुक्रबार राति नेपाल आईपुगेका थिए ।
-1734879364.jpg)
-1734875597.jpg)
