एजेन्सी । अफगानिस्तानविरुद्धको पहिलो टी-ट्वान्टी क्रिकेटमा वेष्ट इण्डिज विजयी भएको छ ।
बिहिबार राति भएको खेलमा वेष्ट इण्डिजले अफगानिस्तानलाई ३० रनले हराएको हो ।
लखनउमा वेष्ट इण्डिजले दितेको १ सय ६५ रनको लक्ष्य पछ्याएको अफगानिस्तानले २० ओभरमा ९ विकेट गुमाएर १ सय ३४ रन मात्र बनाउन सक्यो ।
अफगानिस्तानका नाजिबउलाल्ह जाड्रानले २७ तथा अस्घर अफगानले २५ रन बनाए । यस्तै फारिड अहमेदले अविजित २४ रन जोड्दा हजरातउलाल्ह जाजईले २३ रन बनाए ।
वेष्ट इन्डिजका केस्रिक विलियम्सले ३ विकेट लिए । यस्तै केइरन पोलार्ड र हेडेन वाल्शले २/२ विकेट लिए ।
यस अघि टस हारेर पहिले ब्याटिङ गरेको वेष्ट इण्डिजले २० ओभरमा ५ विकेट गुमाएर १ सय ६४ रन बनाएको थियो । वेष्ट इण्डिजका लागि इभिन लेविसले ६८ रनको अर्धशतकीय इनिङ्स खेले । केइरन पोलार्डले अविजित ३२ तथा सिम्रोन हिटमायरले २१ रन बनाए ।
अफगानिस्तानका गुल्बादिन नाइबले २ विकेट लिए ।
जितसँगै वेष्ट इण्डिजले ३ खेलको सिरिजमा १-० को अग्रता बनाएको छ ।
-1734879364.jpg)
-1734875597.jpg)
