काठमाडौं । भारतमा आयोजना हुने यू-१९ च्यालेन्जर्स एकदिवसीय सिरिजको पहिलो खेलमा नेपालले आज (सोमबार) भारतको 'भारत एल्लो' टिमसँग खेल्दैछ ।
हैदरावादस्थित जिमखाना मैदानमा हुने नेपाल 'ए' र भारत 'एल्लो' बीचको खेल बिहान ९:१५ मा सुरु हुनेछ ।
रित गौतमको कप्तानीमा मैदान उत्रने नेपाली टिम सुखद सुरुवात गर्ने योजनामा हुनेछ । तर, भारतको टिमलाई हराउँन नेपाललाई कठिन भने हुनेछ ।
सिरिजमा नेपालसहित भारतको तीन टिमले खेल्ने छन् । जसमा भारतको टिमलाई भारत 'ब्लु', भारत 'रेड' र भारत 'एल्लो' नाम दिईएको छ ।
दोस्रो खेलमा नेपालले बुधबार भारत 'रेड' र अन्तिम खेलमा शुक्रबार नेपालले भारत 'ब्लु' सँग खेल्नेछ ।
लिग खेलपछि शीर्ष दुई टोलीले उपाधिका लागि खेल्नेछन् । तेस्रो र चौथो टिमले तेस्रो स्थानको लागि खेल्ने छ ।
-1734919437.jpg)
-1734918317.jpg)
