एसियन गेम्स : नेपालको ठुलो सफलता रजत, पदक जित्ने खेलाडी कति ?

गृहपृष्ठ
अन्य

सोमबार, साउन १४, २०७५ खेलपाटी संवाददाता

काठमाडौं । एसियाली खेलकुदको कुम्भमेला एसियन गेम्सको १८ औं संस्करण इन्डोनेसियामा आजबाट सुरु हुँदैछ । इन्डोनेसियाको जाकर्ता र पालेमबाङमा हुने एसियन गेम्स भदौ १७ गतेसम्म हुँदैछ ।

यो संस्करणमा नेपालले २९ खेलमा प्रतिस्पर्धा गर्दै छन् । यसअघि २८ खेल लैजाने भनिए पनि स्क्वास खेल थपिएको छ । स्क्वास थपिएसंगै नेपालबाट २९ खेलबाट कुल १ सय ८५ खेलाडीले प्रतिस्पर्धा गर्ने छन् । जसमा १ सय २९ पुरुष र ५६ महिला खेलाडी रहेका छन् ।

एसियन गेम्सको लागि नेपाली खेलाडीहरु विशेष प्रशिक्षणमा रहेका छन् । अधिकांस खेलाडीहरु बैदेशिक प्रशिक्षणमा रहेका छन् । कमै टोलीले मात्र नेपालमा तयारी गरिरहेका छन्  ।

सन् १९५१ मा भारतमा भएको पहिलो संस्करणबाटै नेपालले एसियन गेम्समा पाइला राखेको थियो । प्रत्येक चार बर्षमा हुने एसियन गेम्सको १७ औं संस्करण सकिदा नेपालले दुई पटक मात्र सहभागिता जनाएन् । फिलिपिन्सको मनिलामा भएको सन् १९५४ को संस्करण र इन्डोनेसियाको जाकार्तामा भएको सन् १९६२ को एसियन गेम्समा नेपालको सहभागिता रहेको थिएन ।

पहिलो संकरणबाटै एसियन गेम्समा सहभागिता जनाउदै आएको नेपालको प्रदर्शन भने निकै दयनीय छ । नेपालका २३ खेलाडीले मात्र एसियन गेम्समा पदक जितेको छ । यस्तोमा पछिल्लो समय नेपालको सहभागिता र खेल बढीरहदा पदक सख्या भने घटिरहेको छ ।

नेपालले एसियन गेम्सको १० औं संकरणमा आएर पदकको खडेरी अन्त्य गरेको थियो । दक्षिण कोरियामा भएको सन् १९८६ को एसियन गेम्समा नेपालले ८ कास्य जितेको थियो । जसमा तेक्वान्दो र बक्सिङले समान ४ – ४ पदक जितेको थियो । नेपालका लागि १५ पुरुष र ८ महिला खेलाडीले पदक जितेका छन् ।

एसियन गेम्समा नेपालले पाएको रजत पदक सबैभन्दा ठुलो पदक हो । तेक्वान्दोकी सबिता राजभण्डारीले थाइल्याण्डको बैंककमा भएको सन् १९९८ को एसियन गेम्समा रजत जितेकी थिइन् । जुन नेपालको अहिलेसम्मकै उच्च पदक हो । सबिताबाहेक नेपालका अन्य खेलाडीले कास्य पदक मात्र जितेका छन् ।

एसियन गेम्समा नेपाललाई सर्वाधिक पदक दिलाउने खेल तेक्वान्दो हो । तेक्वान्दोले १३ कास्य र १ रजत जितेको छ । यस्तै बक्सिङले ६ कास्य जित्दा करातेले ३ कास्य जितेको छ । मार्सल आर्ट्सका खेलबाहेक अन्य खेलबाट नेपालले पदक जित्न सकेको छैन ।

एसियन गेम्समा नेपालबाट दोहोरो पदक जित्ने खेलाडी तेक्वान्दोका दिपक बिष्ट हुन् । हाल नेपाली तेक्वान्दो टोलीका प्रशिक्षक रहेका दिपकले दक्षिण कोरियाको बुसान र कतारको दोहामा भएको एसियन गेम्समा कास्य जितेका थिए ।

यो पटक भने नेपालले कम्तिमा २ रजत र ३ कास्य जित्ने लक्ष्य बनाएको छ । राष्ट्रिय खेलकुद परिषद (राखेप) का सदस्यसचिब केशव कुमार बिष्टले अहिलेको तयारी हेर्दा नेपालले दुई रजत र तीन कास्य जित्ने निश्चित जस्तै रहेको खेलपाटीलाई बताए ।

एसियन गेम्समा भाग लिने खेल –

फुटबल, भलिबल, एथलेटिक्स, तेक्वान्दो, स्क्वास, भारोत्तोलन, बक्सिङ, आर्चरी, सुटिङ, टेबलटेनिस, कराँते, ब्याडमिन्टन, पाराग्लाइडिङ, कबड्डी, साइक्लिङ, सेपाकताक्रो, स्पोर्टस क्लाइम्बिङ, पेन्केक सिलात, ट्रायथलन, कुस्ती, फेन्सिङ, गल्फ, जुडो, लनटेनिस, पौडी, उसु, कुराँस, बास्केटबल, स्केटबोर्डिङ

हालसम्म नेपालका कुन खेलाडीले कहिले, कहाँ र कुन पदक जिते ? तालिका हेर्नुस -

मिति	खेलाडीको नाम	खेल	पदक	आयोजक
सन् १९८६	स्व. दल बहादुर राना मगर	बक्सिङ	कास्य	दक्षिण कोरिया, सोउल
सन् १९८६	तुल बहादुर थापा	बक्सिङ	कास्य	दक्षिण कोरिया, सोउल
सन् १९८६	सुशिल पोखरेल	बक्सिङ	कास्य	दक्षिण कोरिया, सोउल
सन् १९८६	मनोज बहादुर श्रेष्ठ	बक्सिङ	कास्य	दक्षिण कोरिया, सोउल
सन् १९८६	राज कुमार राई	तेक्वान्दो	कास्य	दक्षिण कोरिया, सोउल
सन् १९८६	विधान लामा	तेक्वान्दो	कास्य	दक्षिण कोरिया, सोउल
सन् १९८६	राजकुमार घर्ती क्षेत्री	तेक्वान्दो	कास्य	दक्षिण कोरिया, सोउल
सन् १९८६	राजकुमार बुढाथोकी	तेक्वान्दो	कास्य	दक्षिण कोरिया,सियोल
सन् १९९०	चित्र बहादुर गुरुङ	बक्सिङ	कास्य	चीन, बेईजिङ
सन् १९९४	मान बहादुर शाही	तेक्वान्दो	कास्य	जापान, हिरोसिमा
सन् १९९४	सिता राई	कराते	कास्य	जापान, हिरोसिमा
सन् १९९८	सबिता राजभण्डारी	तेक्वान्दो	रजत	थाइल्याण्ड, बैंकक
सन् १९९८	रजत किशोरश्रेष्ठ	तेक्वान्दो	कास्य	थाइल्याण्ड, बैंकक
सन् १९९८	सपना मल्ल	तेक्वान्दो	कास्य	थाइल्याण्ड, बैंकक
सन् १९९८	समर बहादुर गोले	कराते	कास्य	थाइल्याण्ड, बैंकक
सन् २००२	दिपक बिष्ट	तेक्वान्दो	कास्य	दक्षिण कोरिया, बुसान
सन् २००२	रेनुका मगर	तेक्वान्दो	कास्य	दक्षिण कोरिया, बुसान
सन् २००२	ऋतु जिमी राई	तेक्वान्दो	कास्य	दक्षिण कोरिया, बुसान
सन् २००६	दिपक बिष्ट	तेक्वान्दो	कास्य	कतार, दोहा
सन् २००६	मनिता शाही	तेक्वान्दो	कास्य	कतार, दोहा
सन् २००६	आयसा शाक्य	तेक्वान्दो	कास्य	कतार, दोहा
सन् २०१०	दिपक महर्जन	बक्सिङ	कास्य	चीन, गोन्जाउ
सन् २०१४	बिमला तामाङ	बिमला तामाङ	कास्य	दक्षिण कोरिया, इन्चोन

प्रतिक्रिया दिनुहोस्

ताजा समाचार
खेल आज