एजेन्सी । आगामी वर्ष अष्ट्रेलियामा आयोजना हुने आईसीसी टी-ट्वान्टी विश्वकप क्रिकेटको खेल तालिका सार्वजनिक भएको छ ।
आईसीसीले १६ राष्ट्र सहभागी विश्वकपको क्वालिफायर र सुपर १२ को खेल तालिका सार्वजनिक गरेको हो । आईसीसीले निकालेको खेल तालिका अनुसार पहिले क्वालिफायर खेल हुनेछ ।
क्वालिफायरमा आठ टिमले प्रतिस्पर्धा गर्नेछन् । सहभागी आठ टिमलाई दुई समूहमा विभाजन गरिएको छ ।
क्वालिफायरको समूह 'ए' मा पीएनजी, आयरल्याण्ड, ओमान र श्रीलंका रहेका छन् । समूह 'बी' मा नेदरल्यान्ड्स, नामिबिया, स्कटल्याण्ड र बंगलादेश रहेका छन् ।
क्वालिफायरबाट समूहको शीर्ष दुई टिमले सुपर १२ मा स्थान बनाउने छन् ।
समूह 'ए' को विजेता र समूह 'बी' को उपविजेताले पाकिस्तान, अष्ट्रेलिया, न्युजिल्याण्ड र वेष्ट इण्डिजसँग सुपर १२ मा खेल्ने छन् । समूह 'बी' को विजेता र समूह 'ए' को उपविजेताले सुपर १२ मा भारत, इंग्ल्याण्ड, दक्षिण अफ्रिका र अफगानिस्तानसँग खेल्ने छ ।
विश्वकप सन् २०२० को अक्टोबर ८ देखि नोभेम्बर १५ सम्म चल्ने छ ।
विश्वकपको पहिलो खेल अर्थात पहिलो क्वालिफायरमा आयरल्याण्ड र श्रीलंकाले प्रतिस्पर्धा गर्ने छन् । आयरल्याण्ड र श्रीलंकाबीचको खेल अक्टोबर ८ मा हुनेछ ।
यस्तै सुपर १२ को पहिलो खेलमा पाकिस्तानले घरेलु टिम अष्ट्रेलियाको सामना गर्ने छ । पाकिस्तान र अष्ट्रेलियाबीचको खेल अक्टोबर २४ मा हुनेछ ।
खेल तालिका :
