एजेन्सी । घरेलु टिम न्युजिल्याण्डले इंग्ल्याण्डविरुद्धको तेस्रो टी-ट्वान्टी क्रिकेटमा जित निकालेको छ ।
नेल्सनमा मंगलबार भएको खेलमा न्युजिल्याण्डले इंग्ल्याण्डलाई १४ रनले पराजित गरेको छ ।
जितसँगै न्युजिल्याण्डले पाँच खेलको सिरिजमा २-१ को अग्रता बनाएको छ । यसअघि पहिलो खेलमा इंग्ल्याण्डले ७ विकेटको जित निकालेको थियो । यस्तै दोस्रो खेलमा न्युजिल्याण्डले २१ रनको जित निकालेको थियो ।
न्युजिल्याण्डले दिएको १८१ रनको लक्ष्य पछ्याएको इंग्ल्याण्डले २० ओभरमा ७ विकेट गुमाएर १६६ रन मात्र बनाउन सक्यो ।
इंग्ल्याण्डका लागि डेभिड वालनले ५५ रनको अर्धशतकीय इनिङ्स खेलेपनि जित निकाल्न सकेनन् । यस्तै जेम्स भिन्सले ४९ रन बनाए ।
न्युजिल्याण्डका ब्लैर टिक्नर र लक्की फर्गुसनले २/२ विकेट लिए ।
यस अघि टस हारेर पहिले ब्याटिङ गरेको न्युजिल्याण्डले २० ओभरमा ७ विकेट गुमाएर १८० रन बनाएको थियो ।
न्युजिल्याण्डका लागि कोलिन डी ग्राण्डहोमेले ५५ रनको अर्धशतकीय इनिङ्स खेले । यस्तै मार्टिन गुप्टिलले ३३ तथा रोस टेलरले २७ रन जोडे ।
इंग्ल्याण्डका टम करनले २ विकेट लिए ।
