काठमाडौं । नेपाल भ्रमणमा रहेको विश्व क्रिकेटको सबैभन्दा पुरानो क्लब मेरिलेबोन क्रिकेट क्लब (एमसीसी) ले एकदिवसीय क्रिकेटमा नेपाललाई जितका लागि २ सय २ रनको लक्ष्य दिएको छ ।
टियु क्रिकेट मैदानमा टस जितेर पहिले ब्याटिङ गरेको एमसीसीले ३९ ओभर २ बलमा अलआउट हुँदै २ सय १ रन बनायो ।
एमसीसीका विल रोड्स र विलि गोडलम्यानले अर्धशतकीय इनिङ्स खेले । रोड्सले ५४ रन जोड्दा गोडलम्यानले ५२ रन बनाए ।
यस्तै विल भेन्डेस्पर ३६ तथा क्यालम ज्याक्सन र एलेक्स थोमसनले समान ११ रन बनाए ।
नेपालका पवन सर्राफ र ललित नारायण राजवंशीले समान ४/४ विकेट लिए । करण केसी र अविनास बोहराको नाममा १/१ विकेट रह्यो ।
एमसीसीविरुद्ध नेपाल नयाँ कप्तान ज्ञानेन्द्र मल्लको नेतृत्वमा मैदान उत्रिएको छ । ज्ञानेन्द्र स्थायी कप्तानको रुपमा नियुक्त भएपछि पहिलो पटक नेपाली टिमको नेतृत्व गर्न लागेका हुन् ।
तर, एमसीसीविरुद्ध नेपालका निर्वतमान कप्तान पारस खड्का, सोमपाल कामी र सन्दीप लामिछाने टिममा राखिएको छैन ।
यसअघि आइतबार एमसीसीले नेपाली यू-१९ टोलीलाई ३८ रनले पराजित गरेको थियो ।
![](https://scontent.fktm7-1.fna.fbcdn.net/v/t1.15752-9/74634741_545468926011681_6948201631074746368_n.jpg?_nc_cat=105&_nc_eui2=AeFw1XLVZ_Mg1BBNAVDYcviYIvMMQChggH2bxZ-JFWdd85EJcCQWWPW_3fCCGg94wkMXaaQeG4UNqJbGMp9aHN65risjrLLria2zFpvaIvyIyQ&_nc_oc=AQlcccIqNvICnIToWGIbTVpmi336VQoW3ASB1BI9KoOVp_IwWtF32A9KV0vnHCinjWM&_nc_ht=scontent.fktm7-1.fna&oh=2002c0072825806a18650ea85710b208&oe=5E4FACB7)
नेपाली क्रिकेट विकासको लागि तयार गरेको लिगेसी टुर अन्तर्गत एमसीसी टिम नेपाल आएका हुन् । नेपाली क्रिकेट विकासको लागि एमसीसीले गत वर्षको साउनमा लिगेसी टुरको घोषणा गरेको थियो ।
![](https://scontent.fktm7-1.fna.fbcdn.net/v/t1.15752-9/76260603_524495671708266_6167880853067137024_n.jpg?_nc_cat=107&_nc_eui2=AeFp9ewwZw5RytKoYLwHWP6V1PZMt1mWNwYXpyJC7staeSXROj9keMS0WNnMJZVUe4wT3jdlg67P7-7ZsQtuItcGF6jEo0_pJc_OhRHyMtojJQ&_nc_oc=AQnpYWUXAPYzsFKslh5n9w4xCwuaPi398ajsZabyNoGxuMu_gujkbAty1armfaOUKc4&_nc_ht=scontent.fktm7-1.fna&oh=b1e1a2f6a4b8c42c6c815bd5cb6284a0&oe=5E507D94)
![](https://scontent.fktm7-1.fna.fbcdn.net/v/t1.15752-9/73528646_400832844133560_7860628559360950272_n.jpg?_nc_cat=105&_nc_eui2=AeFU4czzDnPdRNrcvk-gAI7uAziPsrIIL-jmsPaPrEmEOPkYJChgD1oD5mcWuJ6HVgucbs1Zi5oHrBhBJbaO_NXs7fqDOe67ySpT7fBFSrPU3Q&_nc_oc=AQkb5PIQHMjicpKfZyoNy6keUFwPHUEVDohi-D0uqke5zr5D48OLLmpL4VeoapmBfog&_nc_ht=scontent.fktm7-1.fna&oh=cf0ff33977be9aa573db1ceca2e14845&oe=5E4F9329)