एजेन्सी । आयरल्याण्डले युएईमा जारी आईसीसी टी-ट्वान्टी विश्वकप क्रिकेट अन्तर्गत ग्लोबल छनोटमा तेस्रो स्थान हासिल गरेको छ ।
तेस्रो स्थानको लागि शनिबार भएको खेलमा आयरल्याण्डले नामिबियालाई २७ रनले पराजित गर्यो ।
आयरल्याण्डले दिएको १३६ रनको लक्ष्यसहित जवाफी ब्याटिङ गरेको नामिबिया १८ ओभर २ बलमा अलआउट हुँदै १०८ रनमा समेटियो ।
नामिबियाका लागि गेर्हार्ड इरास्मुसले ५१ रनको अर्धशतकीय इनिङ्स खेले । स्टेफेन बार्डले १७ तथा जेजे स्मिटले १० रन जोडे ।
आयरल्याण्डका लागि सिमि सिंहले ३ विकेट लिए । यस्तै मार्क एडियर, ग्यारेथ डेनाले र बोयड रान्किनले २/२ विकेट लिए ।
यसअघि टस जितेर पहिले ब्याटिङ गरेको आयरल्याण्डले १९ ओभर १ बलमा अलआउट हुँदै १३५ रन बनाएको थियो । आयरल्याण्डका लागि एन्डी बल्ब्रिनेले ४६ रन बनाए । पाउल स्ट्रलिङले २७ रन जोडे । नामिबियाका क्रेग विलियम्स र जेजे स्मिटले ३/३ विकेट लिए ।
छनोटको फाइनलमा भने नेदरल्याण्ड र पपुवा न्यु गिनीले खेल्ने छन् ।
