एजेन्सी । घरेलु टिम न्युजिल्याण्डविरुद्धको पहिलो टी-ट्वान्टी क्रिकेटमा इंग्ल्याण्ड विजयी भएको छ ।
शुक्रबार भएको पहिलो खेलमा इंग्ल्याण्डले न्युजिल्याण्डलाई ७ विकेटले पराजित गरेको हो ।
क्राइसचर्चमा न्युजिल्याण्डले दिएको १५४ रनको लक्ष्य इंग्ल्याण्डले १८ ओभर ३ बलमा मात्र ३ विकेट गुमाएर पुरा गर्यो ।
इंग्ल्याण्डको जितमा जेम्स भिन्सले ५९ रनको अर्धशतकीय इनिङ्स खेले । यस्तै जोनी बेयर्सटोले ३५ तथा कप्तान इयान मोर्गनले अविजित ३४ रन बनाए ।
न्युजिल्याण्डका मिचेल स्टाननरले ३ विकेट लिए ।
यस अघि टस हारेर पहिले ब्याटिङ गरेको न्युजिल्याण्डले २० ओभरमा ५ विकेट गुमाएर १५३ रन बनाएको थियो । न्युजिल्याण्डका लागि रोस टेलरले ४४ तथा टिम सिफार्टले ३२ रन बनाए । जोसेफ मिचेलले अविजित ३० रन जोडे ।
इंग्ल्याण्डका क्रिस जोर्डनले २ विकेट लिए ।
जितसँगै इंग्ल्याण्डले पाँच खेलको सिरिजमा १-० को अग्रता बनाएको छ । दोस्रो खेल आइतबार हुनेछ ।
