एजेन्सी । जिम्बावेका पूर्व कप्तान ह्यामिल्टन मासाकाट्जा जिम्बावे क्रिकेट बोर्डको क्रिकेट डिरेक्टर नियुक्त भएका छन् ।
जिम्बावे क्रिकेटले बुधबार मासाकाट्जालाई क्रिकेट डिरेक्टर नियुक्त गरेको जनाएको छ ।
ब्याटिङ अलराउण्डर मासाकाट्जाले जिम्बावेबाट १८ वर्ष खेल्दै ३१३ खेल खेलेका छन् । मासाकाट्जाले गत महिना अन्तर्राष्ट्रिय क्रिकेटबाट सन्यास घोषणा गरेका थिए ।
३६ वर्षीय मासाकाट्जाले जिम्बावेबाट २०९ एकदिवशीय, ३८ टेष्ट र ६६ टी-ट्वान्टी अन्तर्राष्ट्रिय खेल खेलेका थिए ।
