एजेन्सी । घरेलु टोलि अष्ट्रेलियाले श्रीलंकाविरुद्धको तीन खेलको टी-ट्वान्टी क्रिकेट सिरिज जितेको छ ।
ब्रिसबेनमा बुधबार भएको दोस्रो खेलमा श्रीलंकालाई ९ विकेटले हराउँदै अष्ट्रेलियाले एक खेल अगाबै सिरिज २-० ले आफ्नो बनाएको हो ।
श्रीलंकाले दिएको १ सय १८ रनको लक्ष्य अष्ट्रेलियाले १३ ओभरमा मात्र १ विकेट गुमाएर पुरा गर्यो ।
अष्ट्रेलियाको जितमा डेभिड वार्नर र स्टिभ स्मिथले अर्धशतकीय इनिङ्स खेले । वार्नरले अविजित रहदै ६० तथा स्मिथले अविजित ५३ रन बनाए । कप्तान आरोन फिन्च सुन्य रनमा आउट भए ।
श्रीलंकाका लासिथ मालिंगाले एक विकेट लिए ।
यसअघि टस जितेर पहिले ब्याटिङ गरेको श्रीलंकाले १९ ओभरमा अलआउट हुँदै १ सय १७ रन बनाएको थियो ।
श्रीलंकाका लागि कुशल परेराले २७ तथा दनुस्का गुणाथिलकाले २१ रन बनाए । अभिस्का फर्नान्डोले १७ रन जोडे ।
श्रीलंकालाई सस्तैमा समेट्न बिलि स्टानलेक,पाट कुमिन्स,अस्टोन अगर र एडम जाम्पाले २/२ विकेट लिए ।
जितसँगै अष्ट्रेलियाले सिरिजमा २-० को अग्रता समेत बनाएको छ । पहिलो खेलमा अष्ट्रेलियाले श्रीलंकालाई १ सय ३४ रनले पराजित गरेको थियो ।
दुईबीचको अन्तिम खेल शुक्रबार हुनेछ ।
-1734966939.jpeg)
